Bar Kokhba![]() | |
---|---|
![]() | |
Vida | |
Nacimientu | sieglu de I |
Muerte |
Betar (es) ![]() |
Causa de la muerte |
muerte en combate (es) ![]() |
Familia | |
Familia |
ver
|
Participante
| |
![]() |
Simón Bar Kokhba ( שמעון בר כוכבא ), tamién conocíu como Bar Kochba, Bar Kochva, Bar Kokheba , Bar Koziva o Bar Cocheba , foi'l cabezaleru d'una revuelta de los xudíos contra l'Imperiu Romanu.
Nacíu como Simon Bar Koziba, recibió'l nome de Bar Kokhba (fíu de la estrella n'araméu ) de Rabbi Akiva, consideráu ún de los mayores sabios de la dómina. Rabbi Akiva viera n'elli'l tan esperáu Mesíes de los xudíos y apoyólu ensin reserva. Sicasí, tres de la execución de Rabbi Eleazar, ordenada por Bar Kokhba, Rabbi Akiva reconoció públicamente que taba equivocáu.
Irritáu pola decisión del emperador Hadrianu de construyir un templu dedicáu a Xúpiter nel emplazamientu mesmu onde s'allugaba'l Templu de Xerusalén, Bar Kokhba llevantóse contra los romanos nel añu 132 . La rebelión llegó a establecer la independencia de la provincia de Xudea, que gobernó como nasi (príncipe) hasta la so derrota en 135.
La victoria de los romanos provocó la destrucción de la ciudá de Xerusalén y marcó l'entamu la diáspora de los xudíos. L'emperador Adrianu , por despreciu pa colos sos enemigos derrotaos, decidió cambiar el nome de la provincia ( Iudea ) pol de Syria Palaestina. Ésta última espresión vien del nome de los filisteos, pueblu enemigu de los xudíos, desapaecíu en tiempos del rei David.